ភ្នំពេញ៖ក្រោយការសាងសង់រយៈពេល៤ឆ្នាំ ផ្សារទំនើប ជីប ម៉ុង ២៧១ មេហ្គាម៉ល បានបើកដំណើរការសាកល្បងបម្រើជូនសាធារណជនកាលពីថ្ងៃទី១២ខែកញ្ញាឆ្នាំ២០២២។ ផ្សារទំនើបនេះបើកដំណើរការជារៀងរាល់ថ្ងៃ ចាប់ពីម៉ោង៩ព្រឹក ដល់ម៉ោង១០យប់។
ផ្សារទំនើប ជីប ម៉ុង ២៧១ មេហ្គាម៉ល បានត្រូវវិនិយោគក្នុងទំហំជាង២៥០លានដុល្លារអាមេរិក និងជាបណ្តុំនៃហាងល្បីៗលំដាប់ពិភពលោកដូចជាភោជនីយដ្ឋាន ហាងលក់សម្លៀកបំពាក់ ហាងលក់គ្រឿងបរិក្ខារអេឡិចត្រូនិក និងហាងលក់ផលិតផល ក៏ដូចជាសេវាកម្មជាច្រើនទៀត។
លោកជំទាវ លី សុខឆេង អគ្គនាយិកានៃក្រុមហ៊ុនជីប ម៉ុង រីថែល បានថ្លែងថា៖ វត្តមានផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល របស់ក្រុមហ៊ុន ជីប ម៉ុង រីថែល ជួយលើកកម្ពស់ការលក់ទំនិញរាយ ជាមួយនឹងការនាំយកផលិតផលម៉ាកល្បីក្រៅប្រទេសដល់ប្រជាជនកម្ពុជា ។
លោកជំទាវអគ្គនាយិកានៃក្រុមហ៊ុនជីប ម៉ុង រីថែល បានបន្ថែមថា ផ្សារទំនើប ជីប ម៉ុង មេហ្គាម៉ល គឺប្រមូលផ្តុំទៅដោយផលិតផលល្បីៗ នៅក្នុងស្រុក និងអន្តរជាតិ ដែលមានទៅដល់ ១៧០ ម៉ាកសម្រាប់បំពេញតម្រូវការចាំបាច់របស់អតិថិជន និងប្រជាពលរដ្ឋគ្រប់ស្រទាប់វណ្ណៈ ។
ផ្សារទំនើបខ្នាតយក្សជីប ម៉ុង ២៧១ មេហ្គាម៉ល បានទាក់ទាញដៃគូពាណិជ្ជកម្មជាច្រើន ដែលសុទ្ធសឹងជាម៉ាកលំដាប់ថ្នាក់ជាតិ និងអន្តរជាតិ តួយ៉ាងដូចជាហាងលក់សម្លៀកបំពាក់ H&M,LYN, Calvin Klein, TEN11,Routine ,ហាងលក់ស្បែកជើង361° ,Converse, Fila, ហាងកាហ្វេ Starbucks, Brown Coffee and Bakery ,ភោជនីយដ្ឋាន Bong Crab, Pka K’nhey, Steaklub, Misigga BBQ, ,ហាងនំប៉័ង Masao, ហាង Potato Corner,ហាងតុបតែងសក់Leekaja,ហាងលក់សម្ភារប្រើប្រាស់ចម្រុះMiniso,Kohnan Japan, Akemi Uchi,ឱសថ ស្ថាន ឱសថផ្លឹស, ផ្សារទំនើប ជីប ម៉ុង Supermarketនិងហាងម៉ាកពេញនិយមជាច្រើនទៀត។
ផ្សារទំនើបនេះ មិនត្រឹមតែបម្រើតម្រូវការដ៏ច្រើនលើសលប់របស់អតិថិជនប៉ុណ្ណោះទេប៉ុន្តែបានចូលរួមអភិវឌ្ឍប្រទេសកម្ពុជា តាមរយៈការបង្កើនទំនាក់ទំនងជិតស្និទ្ធរវាងដៃគូពាណិជ្ជកម្មជាពិសេសរវាងកម្ពុជានិងវិនិយោគិនបរទេសបង្កើនជីវភាពរស់នៅបែបស៊ីវីល័យ និងថែមទាំងបង្កើតនូវឱកាសការងារយ៉ាងសម្បូរបែបជូនដល់ប្រជាពលរដ្ឋទៀតផង។
ផ្សារទំនើបខ្នាតយក្សនេះសាងសង់នៅលើផ្ទៃដីទំហំជាង ៤១ ហិកតាស្ថិតនៅក្នុងគម្រោងលែនម៉ាក ២៧១ របស់ ជីប ម៉ុង លែន ស្ថិតនៅក្បែរផ្លូវសំខាន់ៗដូចជាផ្លូវ២៧១ ផ្លូវ៣៧១និងផ្លូវ៦០ ម៉ែត្រដែលជាតំបន់ដ៏មានសក្ដានុពល សម្បូរទៅដោយប្រជាជនរស់នៅយ៉ាងច្រើនកុះករ។មិនតែប៉ុណ្ណោះផ្សារទំនើបនេះក៏មានបំពាក់ទៅដោយគ្រឿងបរិក្ខារទំនើបៗនិងមានផ្ទៃលំហដល់ទៅ ៣០ ភាគរយនៃអគារផ្សារទាំងមូល ដែលផ្ដល់នូវអារម្មណ៍ស្រស់ស្រាយ និងបរិយាកាសប្លែកពិសេស។ ចំណែកឯចំណតយានយន្តវិញ អាចផ្ទុករថយន្តបានរហូតដល់ទៅ៤០០០ គ្រឿង។
សូមបញ្ជាក់ថា៖ក្នុងអំឡុងការបើកដំណើរការសាកល្បង ផ្សារទំនើប ជីប ម៉ុង ២៧១ មេហ្គាម៉ល ហាងម៉ាកល្បីៗចំនួន ៣០ បានបើកទ្វាររង់ចាំស្វាគមន៍អតិថិជនទាំងអស់រួចជាស្រេច ជាមួយនឹងការផ្ដល់ជូនយ៉ាងពិសេសបំផុតដូចជា៖
– ហាងលក់សម្លៀកបំពាក់ H&M បញ្ចុះតម្លៃ ២៥ ភាគរយទៅលើមុខទំនិញជាច្រើន
– ហាងលក់សម្លៀកបំពាក់ TEN11 បញ្ចុះតម្លៃរហូតដល់ ៧០ ភាគរយ
– ហាងលក់សម្លៀកបំពាក់ Routine ហាង 361° ឱសថស្ថាន ឱសថផ្លឹស បញ្ចុះតម្លៃរហូតដល់ ៥០ ភាគរយ
– ភោជនីយដ្ឋាន Bong Crab, Pka K’nhey និង Steaklub បញ្ចុះតម្លៃ ៣០ ភាគរយ
– កាដូពិសេសសម្រាប់ការជាវទំនិញពីហាង LYN ហាង Calvin Klein ហាងនំប៉័ង Masao និងកម្មវិធីពិសេសៗជាច្រើនទៀតពីហាងតុបតែងសក់ Leekaja ហាងលក់សម្ភារប្រើប្រាស់ចម្រុះ Miniso ហាងកាហ្វេ Starbucks ហាងកាហ្វេ Brown Coffee and Bakery ហាង Potato Corner ភោជនីយដ្ឋាន Misigga BBQ ផ្សារទំនើប ជីប ម៉ុង Supermarket ជាដើម។
ផ្សារទំនើប ជីប ម៉ុង ២៧១ មេហ្គាម៉ល នៅមានហាងម៉ាកល្បីៗជាច្រើនទៀត ដល់ទៅរាប់រយហាង ដែលនឹងបើកដំណើរការជាបន្តបន្ទាប់ក្នុងពេលឆាប់ៗខាងមុខនេះ រួមមាន ZARA,Jaspal,Paul Smith, New Balance,Charles and Keith,Tommy Hilfiger, Champion, Pedro, Fila, EA7, GUESS, The Pizza Company, Sakura Buffet, Jumbo Seafood, Burger King, Paradise Dynasty, Pleng Chan, Kfour, Samsung, Super Doozii, NEO Game Oasis,Legend Cinema by IZE ជាដើម៕ដោយៈសិរីមតី